Hasierako elkarrizketa
Hasierako elkarrizketan arazoa ulertzeko beharrezkoak diren datuak modu sistematikoan jasotzen ahalegintzen gara, haurrarenak nahiz familiarenak. Halaber, ikastetxearekin lankidetzan aritzen gara kasu bakoitzaren funtsezko alderdiei buruzko informazioa eskuratzeko.
Haurraren ebaluazio psikopedagogikoa.
Prozesu honen bidez zehaztu dezakegu zein diren haurrarengan antzemandako zailtasunak eragin dituzten arrazoiak. Horretarako ebaluazio-tresna desberdinak erabiltzen ditugu, esate baterako, honako hauek: behaketa, test estandarizatuak, garapen-eskalak, etab. Batzuk edo besteak erabiltzeko orduan kontsultaren zergatia eta haurraren adina hartzen ditugu kontuan.
Diagnostikoa eta esku hartzeko proposamena.
Egindako probetan lortutako emaitzak oinarri hartuta, esku-hartzeko proposamena planteatzen da, haurraren harreman-eremuak barne hartzen dituena.
Jarraipena
Aldizka, familiarekin eta ikastetxearekin elkartzen gara esku-hartzeko proposamenean planteatutako helburuak lortzeko eta haurraren bilakaera orokorra nolakoa den jakiteko.